Fréttir
Ert þú næsti meðlimur sýningarhóps SalsaIceland - við erum að leita að þér!
Skrifað: 16. jan. 12:00
Langar þig að hella þér í salsað og prófa að vera í sýningarhópi? SalsaIceland leitar nú að nýjum félögum í nemendasýningarhóp SalsaIceland (SIST hóp, sbr. SalsaIceland student team). A.m.k. 4 laus pláss eru í boði, fyrir dömur og herra í pardanshóp sem munu læra í sér tímum undir handleiðslu Mike.
Við leitum að fólki sem:
- Hefur tíma/getu og rými til að sinna miklu salsa
- Hefur lokið 3. stigi (eða hefur sambærilega kunnáttu), helst hjá SalsaIceland (hér má sjá getukröfur okkar fyrir 3. stig)
- Hefur útgeislun á sviði
- Þrífst í hópi og vill læra
SIST hópurinn starfar í nánu samstarfi við stjórn SI að ýmsum verkefnum SalsaIceland, m.a. við að: dansa sem taxidansarar á salsakvöldum, aðstoða á 1. og 2. stigs námskeiðum/helgarnámskeiðum, sýna við ýmis tækifæri ofl.
Þetta samstarf er kynnt ítarlega og gefið er tækifæri til spjalls á opnum fundi sem haldinn verður fyrir umsækjendur sunnudagskvöldið 22. janúar í stúdíó SI kl. 19:00. Eftir fundinn verður haldin sameiginleg æfing fyrir umsækjendur þar sem farið verður í footwork og pardans. Umsækjendum verður svo tilkynnt um niðurstöður símleiðis í komandi viku.
Athugið! Þátttaka í fundi/æfingu er engan veginn bindandi. Áhugasamir eru hvattir til að koma og taka þátt, og geta svo látið vita eftir á hvort þeir hafa ennþá áhuga á þátttöku. Áhugasamir geta sent Eddu póst með spurningar: edda@salsaiceland.is.
Hvar eiga „dansvanir“ heima hjá SalsaIceland?
Skrifað: 14. jan. 10:04
Okkur til mikillar ánægju fáum við reglulega til okkar áhugasama nemendur sem hafa reynslu af salsa annars staðar frá, eða hafa reynslu af öðrum dönsum. Við bendum þessum aðilum á sérstaka, ókeypis matstíma sem við bjóðum upp á. Þar gefst öllum kostur á að koma og dansa við SI kennara, og fá ráðleggingar um á hvaða getustig er best að skella sér.
Þessir tímar eru í boði fyrir upphaf byrjendanámskeiða, og stundum fyrir prufutíma á salsakvöldum, en best er að hafa samband á salsaiceland@salsaiceland.is til að fá upplýsingar um næsta matstíma.
Margir dansvanir hafa einnig farið þá leið ...
Skráning í fullum gangi á byrjendanámskeið sem hefst 5. febrúar!
Skrifað: 13. jan. 9:02
Hér má sjá allar upplýsingar um byrjendanámskeið X, sem hefst 5. febrúar. Kennt er einu sinni í viku, og skráning er hafin. Við bendum á að síðast neyddumst við til að loka fyrir skráningar á stökum stökum vegna ójafnra kynjahlutfalla. Við hvetjum því alla til að vera tímanlega í að skrá sig, og að hafa samband ef þið hafið einhverjar spurningar: salsaiceland@salsaiceland.is.
Zumba í fullum gangi - hægt að slást í hópinn hvenær sem er
Skrifað: 12. jan. 22:30
Zumba er í fullum gangi, og við minnum á að námskeiðið er opið og hægt að slást í för hvenær sem er. Fyrsti tíminn er alltaf frír. Ýmsar nýjunar eru í boði í Zumbanu, svo sem laugardagstímar, og möguleiki á að spara verulega og taka zumbað alla leið á vorönn með því að kaupa sér annarkort í zumba og fá laugardagstímana ókeypis. Allar upplýsingar um zumba hjá SalsaIceland má sjá hér , og upplýsingar um námskeiðið sem hófst 12. janúar má sjá hér. Ef þið hafið spurningar ekki hika við að hafa samband: salsaiceland@salsaiceland.is.
Ókeypis æfingatækifærum bætt við stundaskrá SI á vorönn
Skrifað: 12. jan. 9:54
SalsaIceland bætir við ókeypis æfingatækifærum fyrir nemendur sína á stundatöflu vorannar, og býður þá velkomna í stúdíó SI alla laugardaga kl. 16:00-17:00. Engin eiginleg kennsla fer fram, en SIST meðlimur er viðstaddur. Við hvetjum nemendur okkar til að nýta sér þessi tækifæri, og tala sig saman á námskeiðum til að tryggja að þið hafið æfingafélaga. Eins og íþróttaálfurinn segir: "það er aukaæfingin sem skapar meistarann".
Fyrsta æfingatækifærið er á dagskrá laugardaginn 28. janúar, og þau verða fastur liðir á laugardögum, nema þegar helgarnámskeið með erlendum gestakennurum fara fram.